Kosovë/ Kriza dëmton sektorin e drurit ; 40% rënie, deri në fundvit 20% e punëtorve të papunë

Kriza e shkaktuar nga pandemia ka prekur edhe sektorin e përpunuesve të drurit në Kosovë .Si pasojë e kësaj situate qarkullimi në këtë industri ka pasur rënie 40 për qind, ndërsa që rreth 20 për qind e punëtorëve në këtë sektor deri në fund të vitit do mbesin papunë.

Këtë e ka bërë të ditur Drejtoresha Ekzekutive e Shoqatës së Përpunuesve të Drurit, Arieta Vula-Pozhegu, e cila tregon ndër të tjerash se paketa e rimëkëmbjes mund ta zbusë situatën e krijuar tek bizneset.

“Ne në bazë të hulumtimeve dhe kontakteve me kompanitë ne e konsiderojmë që afër 20 përqind e punëtorëve do të jenë deri në fund të vitit të larguar nga puna, mirëpo ndoshta me një nxitje apo shtytje që mund të ndodhë, ne po shpresojmë që ky numër të ngelet sepse kemi akoma iniciativa të kompanive të tjera të reja që kanë filluar në këtë vit me investime të reja si kompani të industrisë së drurit dhe janë duke ndodhur momentalisht ata kanë planifikuar dhe kanë investuar, kështu që kjo mund ta plotësojë këtë ngecje të punësuarve në këtë sektor”, shprehet ajo.

Sipas saj, qarkullimi në këtë sektor ka rënë 40 përqind. Ndërsa, humbja në këtë sektor, ka arritur deri në 40%.

“Qarkullimi i industrisë së drurit në vend ka pasur rënie prej 40%, kjo varion varësisht prej kohës ku ne po e kryejmë një hulumtim, tash duhet ta shikojmë këtë tre mujorin si do të jetë, por ka pasur rënie”, thotë ajo.

Vula-Pozhegua,gjithashtu,është duke kërkuar nga institucionet përkatëse, që ndryshojë ligji i prokurimit.

.Ajo ndër të tjerash, thotë se edhe Bankat Komerciale në rast se do t’i kishin normat e interesit më të ulëta dhe “Grejs” periudha të ishte më e gjatë do të mund të ndihmonte industrinë e drurit.

Sipas saj, nëse ndodhë edhe një herë, kriza do të jetë aq e madhe sa vitin e ardhshëm 60% do të ketë rënie të qarkullimit dhe shitjes së produkteve në vend. “Normalisht ne jemi për ti respektuar të gjitha masat, por shpresojmë që kjo të mos të ndodhë, sepse jeta vazhdon dhe ne duhet të punojmë, të ketë masa parandaluese, por jo izolime.”- përfundon ajo.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.