.png)
Një shqiptar kryqëzon në mënyrë të çuditshme rrugët e Françesko Totit, ish-kapitenit legjendar të Romës, dhe Juventusit, rivalit historik të kësaj skuadre. Rrugë që kryqëzohen në Vinovo, në qendrën sportive ku stërviten të rinjtë e Juventusit. Dhe te këta të rinj është edhe shqiptari Luis Hasa, kapiteni i Juventusit U-16, një nga yjet e së ardhmes për specialistët italianë.
Toti prej disa ditësh e ka marrë në “ekipin” e tij të menaxhimit lojtarin shqiptar, ndërsa tani ka ardhur edhe zyrtarizimi i akordit. Pas firmës së Hasës, i lindur në Sora, në vitin 2004, me prindër shqiptarë, është regjia e Simone Bernardos, që me kompaninë e tij “The Football Street” i raporton Totit për talentet e së ardhmes (ka bërë të njëjtën gjë me milanistin Çiti). Hasa është vetëm 16 vjeç dhe ka një talent të jashtëzakonshëm.
Luis Hasa ka dy pasaporta, italiane dhe shqiptare. Kombëtarja italiane e 17-vjeçarëve kërkon ta grumbullojë dhe në ambientet e të rinjve për të flitet shumë. Hasa përshkruhet si një mesfushor teknik dhe shumë modern, me personalit, i shpejtë dhe i aftë të luajë në qendër dhe në krah. Mban fanellën me numrin 10 te Juventusi dhe gjuan gjithmonë drejt portës. Ka shënuar 6 gola në 16 ndeshje sezonin e fundit, por shërben mirë edhe për shokët.
Toti dhe stafi i tij janë të bindur se ai ka një të ardhme të sigurt përpara, ndaj duan ta ndihmojnë të rritet pa humbur mes kritikave dhe komplimenteve. Eksperienca e Totit në këtë drejtim mund të jetë përcaktuese.
Burimi: Gazzetta dello Sport/ Përgatiti: Gazeta Si
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
