Sir Alex Ferguson Trophy. Vështirë të gjesh një emër tjetër çmimit që shkon për trajnerin më të mirë të vitit në Premier League, duke konsideruar që skocezi e ka fituar 11 herë kur drejtonte Manchester United. Këtë herë dyshimet mbi fituesin ishin pak, edhe pse Wilder, tekniku i Sheffield United, ndoshta do ta meritonte. Por përpara një Premier të fituar pas 30 vjetësh, nuk vend për diskutime. Kështu trajneri i vitit është Jurgen Klopp. Ceremonia është në distancë, për shkak të Covid, por në Sky Sports tregohet një episod nga ata që nuk harrohen.
Videomesazhi i parë është i Ferguson, që i dorëzoi çmimin gjermanit. Duke kujtuar edhe atë që bëri Klopp pasi fitoi titullin… “Jurgen, fantastik. Fola për promocionin e Leeds pas 16 vjetësh, por të fitosh kampionatin me Liverpool pas 30 vjetësh është akoma edhe më e pabesueshme. Ishte një fitore më shumë se e merituar, rendimenti i skuadrës ishte fantastik. Personaliteti yt shihet në çdo gjë që lidhet me klubin, besoj se puna jote ka qenë e mrekullueshme. E të fal që më zgjove në 3.30 të mëngjesit për të më thënë se fitove kampionatin, faleminderit akoma. Çmimi është i merituar, të lumtë”.
Klopp, nga ana e tij përgjigjet me një…letër dashurie për Sir Alex. “E di që të thuash diçka të tillë nuk është 100% e përshtatshme për një trajner të Liverpool, por unë e admiroj Ferguson. Edhe kemi darkuar bashkë. Nuk e di nëse ai e kujton, por unë po, sepse për mua ishte si të njihja Papën. Ishte diçka e mrekullueshme e që nga sezoni i parë jemi ndjerë mirë me njëri tjetrin. E kur e njoha nuk do ta kisha menduar kurrë se në duar do të kisha trofeun me emrin e tij”. Ferguson nuk do ta kishte menduar kurrë se do të zgjohej në mes të natës nga një gjerman i lumtur e ndoshta edhe i dehur …
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
