Sot, do të luhen tre ndeshjet e mbetura të javës së 33-të të Superligës, ndërkohë që dy përballje janë luajtur dje.
Bëhet fjalë për sfidat Kukësi-Teuta, Skënderbeu-Vllaznia dhe Laçi-Luftëtari. Verilindorët janë ende në garë për titullin kampion, pasi janë -7 pikë nga Tirana. Trajneri Shehi nuk do ketë në dispozicion Lulaj, Vasil Shkurtaj dhe Obanor. Teuta është një nga skuadrat më në formë të momentit dhe parashikohet një sfidë e vështirë për verilindorët, duke marrë parasysh edhe faktin se para disa ditëve u ndalën nga Teuta në Kupën e Shqipërisë.
Ndërkohë, një tjetër sfidë e rëndësishme është ajo në Korçë mes Skënderbeut dhe Vllaznisë. Për ekipin e Dajës ky mund të jetë shansi i fundit për në Evropë (në pritje të vendimit nga Gjykata Federale e Zvicrës), ndërsa shkodranët kanë nevojë për pikë për të evituar sfidën e “play-out”.
Sakaq, Laçi pritet ta ketë të lehtë dhe të sigurojë tre pikët në shtëpi, përballë një kundërshtari si Luftëtari, që tashmë ka rënë nga kategoria.
Ndeshjet:
17:45 Laçi-Luftëtari
20:45 Kukësi- Teuta
20:45 Skënderbeu-Vllaznia
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
