Me ç’duken bathët të pamundurit që po zvarriten rrugëve për të kryer detyrat dhe nevojat më këmbë, në mungesë të transportit publik në vend, do të vijojnë njëjtë; nuk dihet se për sa.
Unioni i Shoqatave të Transportit Publik përmes një deklarate për shtyp i qëndron konseguente qëndrimit që ka mbajtur që në krye të herës: “Pa marrjen e masave mbështetëse nga qeveria, nuk do të ofrohet shërbim publik pasi protokolli strikt i sigurisë i bën kompanitë të mos përballojnë dot financiarisht aktivitetin e tyre”
“Subjektet e licensuara për kryerjen e këtij shërbimi, unanimisht shprehen se, ky lloj shërbimi nuk mund të kryhet sipas protokollit të propozuar nëse nuk do të ketë njëkohësisht ndërhyrjen e strukturave shtetërore për subvencionimin e kapactitetit të munguar si rezultat I zbatimit të këtyre masave.”- citon Unioni I Shoqatave të Transportit Publik.
Unioni kërkon: Transport Publik Falas për të gjitha kategoritë e udhëtarëve gjatë kohës së pandemisë, të garantuar nëpërmjet financimeve të organeve qëndrore dhe vendore përgjegjëse, si praktikë e ndjekur nga vendet e tjera të Rajonit dhe BE-së. Në këto kushte operatorët garantojnë një gadishmëri maksimale për respektimin rigoroz të protokollit të sigurisë.
Si alternativë të dytë në pamundësi të realizimit të transportit falas, propozohet nga operatorët :
Subvencionimi i të ardhurave të munguara për subjektet transportuese si pasojë e kufizimeve të protokollit të sigurisë, heqja e akcizës dhe e taksave të karburantet, siç është zbatuar dhe në sektorë të tjerë të ekonomisë.
Po ashtu kërkohet zbritja e TVSH-së në shitje nga 20% – 0% për vitin 2020 dhe rikthimin në nivelin 6% ne vijim si sektori i hoteleri turizmit. Rimbursimi në burim i kategorive të cilat përfitojnë transport publik falas.
“Vetëm miratimi dhe zbatimi i këtyre lehtësirave do të mundësojnë kryerjen e shërbimit të transportiti publik sipas portokollit të publikuar. Në këto kushte deklarojmë se subjektet e transportit publik qytetas, rrethqytetas dhe ndërqytetas në cdo datë që mund të urdhërohet rifillimi i këtij shërbimi , do të refuzojnë kategorikisht shërbimin në linjat përkatëse në nivel kombëtar.”- thotë Unioni.
Deri më tani nga qeveria nuk ka asnjë sinjal për plotësimin e këtyre kërkesave që rrjedhimisht do të ndikojë në vazhdimin e bllokimit të transportit publik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do të mbajë përgjegjësi sipas nenit 179 të Ligjit 35/2016.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
