Një e moshuar është gjetur e pajetë në banesën e saj në Elbasan, rreth orës 19.00 të kësaj të mërkure.
Vdekja e saj është zbuluar, pasi i biri i kërkoi ndihmë policisë lokale. Ai nuk merrte pergjigje prej saj prej dy ditësh.
Futja brenda apartamentit ku jetonte gruaja e moshuar është mundësuar nga PMNZSH, (Policia e Mbrojtjes nga Zjarri dhe Shpëtimi), të cilët fillimisht kanë arritur të futen nga dritarja e katit të katërt dhe më pas është bërë hapja e derës së apartamentit. I biri dhe policia kanë konstatuar se e moshuara ishte pa shenja jete.
Trupi i saj është dërguar në morgun e qendrës spitalore të Elbasanit për t’i bërë autopsinë nga ku do të përcaktohet shkaku i vdekjes së saj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
