Shëndeti mbi të gjitha, madje edhe përpara futbollit. Romelu Lukaku ka ide të qarta rreth situatës së koronavirusit dhe për sulmuesin belg pezullimi i kampionatit ka qenë zgjidhja më e mirë: “Shëndeti vjen i pari. Pse duhet të luajmë kur në botë ka njerëz që rrezikojnë jetën? Megjithatë, është e nevojshme që të dalë pozitiv një lojtar i Juventusit, që futbolli të ndalet? A është normale kjo? Jo, aspak. Më mungon futbolli, por tani ka rëndësi shëndeti i njerëzve. Çdo gjë tjetër është dytësore."
Debutimi me Interin dhe kampionatin italian ka qenë mbresëlënës: "Jetoj për të shënuar. Por jam gjithmonë i gatshëm nëse duhet të ndihmoj skuadrën. Në metrat e fundit duhet të jesh dinamik dhe të sulmosh hapësirën në momentin e duhur. Statistikat personale kanë pak rëndësi. Më pëlqente shumë Adriano, i cili ka bërë gjëra të mëdha me fanellën e zikaltërve. Kujtimet e para nga futbolli ndërkombëtar i kam nga Kupa e Botës 1998, kur Ronaldo (Fenomeni) tregoi çfarë klasi kishte.
Për momentin, futbolli mbetet në plan të dytë: "Prioritetet janë të tjera për momentin - përfundoi ai -. Ajo që më mungon më shumë është ritmi i garës, përballja me kundërshtarin, stadiumi plot, dashuria e publikut. Unë po e përdor këtë moment për të analizuar paraqitjet e fundit, në mënyrë që të përmisoi gabimet ".
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.