Drejtuesit e Liverpulit, siç bën me dije “Daily Mirror”, kërkojnë që Jurgen Klop të shndërrohet në një Aleks Fergusonin të “të kuqve”, por rruga në fakt duket se nuk do të jetë aspak e lehtë. Federata Gjermane e Futbollit, sipas tabloidit britanik, prej kohësh ka nisur kontaktet me Jurgen Klop, pasi synon ta emërojë trajner të ekipit kombëtar, sapo të mbyllet bashkëpunimi me Joakim Lëv.
Klop shihet si njeriu i duhur për Gjermaninë, që kërkon të rikthehet në nivelin më të lartë, pas dështimit në Botërorin e Rusisë. Trajneri i Liverpulit ka treguar se është i aftë të udhëheqë skuadra të mëdha drejt suksesit. Ai ia ka dalë ta kthejë Liverpulin në majat e futbollit anglez dhe atij europian. Verën e kaluar e shpalli këtë ekip kampion të Europës, ndërsa këtë sezon titulli kampion në Premier League pas një periudhe të gjatë duket i sigurt, nëse kampionati nuk do të anulohet.
Për Jurgen Klop, nëse arrihet akordi me Federatën Gjermane, do të ishte hera e parë që do të drejtonte një ekip përfaqësues. Para Liverpulit, ai ka drejtuar Maincin dhe Borusian e Dortmundit në Bundesligë. Puna e bërë te Liverpuli duket se i ka bindur drejtuesit e futbollit gjerman t’ia besojnë stolin një trajneri si Jurgen Klop.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.