Mjekët dhe infermierët shqiptarë që shkuan në ndihmë të mjekëve italianë po shërbejnë në spitalin e Brescias, një zonë e cilësuar në gjendje shumë të vështirë.
Lajmin e ka bërë të ditur Ministrja e Shëndetësisë dhe Mbrojtjes Sociale, Ogerta Manastriliu, me anë të një statusi në “Facebook”, ku duke përmendur emrat e gjithsecilit, i cilëson krenari.
30 mjekë dhe infermierë shqiptarë u nisën dy ditë më parë nga aeroporti “Nënë Tereza” për t’ju dhënë ndihmë kolegëve të tyre italianë në Bergamo, e cilësuar nga autoritetet italiane si zona më e prekur nga koronavirusi. Mjekët shqiptarë se do të qëndrojnë aty për 1 muaj dhe përgjatë kësaj kohe do të paguhen nga shteti ynë. Lajmin për mbërritjen e mjekëve e publikuan edhe mediat italiane, të cilat raportonin se ndihma erdhi pas një marrëveshjeje mes kryeministrit Rama dhe Di Maio-s.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
