Kristian Eriksen është një nga lojtarët më të kërkuar të momentit nga klubet e mëdha europiane. Mesfushorit danez i përfundon në verë kontrata me Totenhemin dhe në ndjekje të tij është vënë Real Madridi, së fundi edhe Interi, por tashmë në garë është futur edhe një klub i tretë dhe për më tepër shumë i fuqishëm financiarisht.
Pep Guardiola, trajneri i Mançester Sitit, e ka në listë Eriksenin, madje joshet shumë nga niveli i tij teknik. “Qytetarët” janë favoritë, sipas shtypit spanjoll, duke pasur parasysh potencën financiare të klubit. Eriksen e njeh shumë mirë kampionatin anglez, pasi prej disa sezonesh luan me Totenhemin, megjithatë nuk do të jetë e lehtë për Guardiolën, sepse jo gjithmonë vendos ana financiare.
Gjithçka varet edhe nga vetë dëshira e lojtarit, i cili, duke qenë pa kontratë, është shumë komod për të vendosur se ku do ta vazhdojë karrierën. Emri i Real Madrid josh shumë dhe Spanja mund të jetë gjithashtu një shtysë, pasi danezi duket se dëshiron të ndryshojë ambient. Mançester Siti i Guardiolës e sheh mesfushorin e Totenhemit si zëvendësuesin ideal të David Silvës, i cili do të largohet në verë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
