Talenti shqiptar, Andi Hoti, që aktivizohet me ekipin e moshave të Zurich, në kampionatin zvicerian tashmë do të jetë pjesë e gjigantëve të Inter. I lindur në vitin 2003 është vetëm një hap larg veshjes së fanellës zikaltër njoftojnë mediat italiane. Inter ka dalë mbi rivalët dhe ka siguruar shërbimet e shqiptarit të Zurich. Ky lajm është konfirmuar nga gazetari i njohur sportiv Nicolo Schira.
I gjatë 193 centimetra, Hoti është me origjinë nga Kosova dhe me kombësi zviceriane, teksa i skadon kontrata me Zyrih në qershorin e këtij viti. Mbrojtësi ka luajtur 13 ndeshje me U-18 e Zyrih, duke shënuar edhe 3 herë dhe aktualisht është pjesë e Kosovës U17, ku është aktivizuar 2 herë.
Ekipi i Milanos ka parë shpesh në përbërje lojtarë kuqezi, ku Xherdan Shaqiri, Rey Manaj apo dhe i ’’harruari’’ Sllave Llambi janë lojtarët më të njohur që kanë veshur këtë fanellë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
