Qeveria ka emëruar tre zëvendësministra të rinj, dy tek Ministria e Arsimit dhe një tek Ministria për Europën dhe Punët e Jashtme.
Zëvendës i ministrit të Jashtëm në Detyrë, Gent Cakaj është emëruar Agron Tare. Tare mbajti për 10 muaj postin e Drejtorit të Portit të Durrësit. Ai u dorëhoq nga ky post në fund të tetorit, pasi prokuroria zgjeroi hetimet në lidhje me skandalin e marrjes prej konteinerëve një sasi prej 137 kilogramësh, që trafikantët besonin se ishte kokainë.
Në të vërtetë, ajo që morën trafikantët ishte oriz i vendosur nga autoritetet greke, që për këtë rast kishin sinjalizuar kolegët shqiptarë që të ndiqnin aksionin për të identifikuar porositësit.
Ndërkohë, në Ministrinë e Arsimit është shkarkuar zv.ministri Redi Shtino dhe janë emëruar dy zv.ministra të rinj, Nina Guga dhe Oltion Rrumbullaku, ky i fundit pedagog në Fakultetin e Ekonomisë në Tiranë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
