Prej muajsh eksportuesit kanë vënë alarmin për vështirësi të tejskajshme të sektorit.
Kjo si pasojë e TVSH-së së parimbursuar nga ana e qeverisë, zhvlerësimi i monedhës së përbashkët europiane euro dhe së fundmi recesioni i Italisë.
Këto problematika janë reflektuar dhe shifrat për janarin 2019 nuk janë aspak optimiste.
Sipas INSTAT, në Janar 2019 eksportet e mallrave arritën vlerën 22 mld lekë, duke u ulur me 7,3 %, në krahasim me të njëjtën periudhë të një viti më parë.
Ulja vjetore e eksporteve prej 7,3 %, këtë muaj rezulton të jetë ndikuar kryesisht nga grupet: “Materiale ndërtimi dhe metale”, “Tekstile dhe këpucë”, “Minerale, lëndë djegëse, energji elektrike”.
Në muajin janar 2019, vendet partnere me të cilët Shqipëria ka pasur uljen më të madhe janë: Italia (-2,4 %), Spanja (-22,2 %), dhe Kosova (-19,7 %).
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.