Të gjitha vendet e rajonit po njohin rritje të rasteve të reja me koronavirus pas asaj që duhet të ishte një hapje e sigurt, situata më e rëndë paraqitet në Maqedoninë e Veriut. Vendi fqinj raporton thuajse çdo ditë humbje jetësh si pasojë e Covid-19.
Në 24 orët e fundit janë raportuar 134 raste të reja dhe 8 viktima. Megjithatë, pavarësisht shifrave alarmante, ekspertët e shëndetësisë thonë se 86% e rasteve janë aspimptomatikë, dhe vetëm 14%, apo rreth 320 pacientë, janë të shtruar në spital.
Mbrëmjen e së hënës, qeveria e Shkupit miratoi dekretin për mbajtjen e zgjedhjeve parlamentare në 15 korrik. Mbi bazë të dekretit fushata nis në 24 qershor dhe zgjat 20 ditë. Presidenti i Maqedonisë së Veriut vendosi të rikthejë gjendjen e jashtëzakonshme në të gjithë vendin, për 8 ditë, duke nisur nga 15 qershori.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.