Çfarë po fsheh Trump në vilë dhe çfarë do të ndodhë më të pas kontrollit të FBI-së

Kontrolli i FBI-së në rezidencën e ish-presidentit Donald Trump në Florida, të hënën, sinjalizoi  përshkallëzim të jashtëzakonshëm të një hetimi të nisur rreth disa dokumenteve që ai morri nga presidenca dhe se shqetësimet nuk lidhen vetëm me faktin se i morri në mënyrë të pa rregullt.

Çfarë saktësisht po kërkonte FBI  ende nuk dihet. Por për të marrë një urdhër kërkimi, hetuesit do t'i duhej t'i tregonin një gjyqtari se ekzistonte shkaku i mundshëm i një krimi dhe se provat e atij krimi gjendeshin në Mar-a-Lago, vendpushimi në Trump në Palm Beach.

Urdhri i kërkimit është vulosur , që do të thotë se detajet e tij nuk janë të disponueshme publikisht për momentin (megjithëse ato mund të bëhen publike në të ardhmen).

Por, përpara se prokurorët të arrinin në pikën që t'i kërkonin një gjyqtari të magjistraturës të miratonte urdhrin, për të ecur përpara me një kërkim që kishte një rëndësi të tillë historike dhe politike, hetuesve do t'u duhej të merrnin OK nga nivelet më të larta të Departamentit të Drejtësisë.

"Jo vetëm që hetuesit do të duhej ta sugjeronin atë, jo vetëm që një prokuror i linjës do të duhej të pajtohej me të, por shumë shtresa të menaxhimit do të duhej ta miratonin atë -- deri te Prokurori i Përgjithshëm," thotë Daren Firestone një ish-avokat i DD-së.

Çfarë do të thotë kjo për ekspozimin ligjor të Trump?

Sipas ekspertëve ligjorë, ndërmarrja e hapit të jashtëzakonshëm të ekzekutimit të një urdhër- kontrolli në shtëpinë e një ish-presidenti sugjeron që hetuesit po shikojnë më shumë sesa ato që Arkivi Kombëtar kishte gjetur më parë nga Mar-a-Lago.

Në janar, Arkivat Kombëtare morën 15 kuti të dhënash nga Mar-a-Lago, duke përfshirë materiale që ishin identifikuar si të klasifikuara.

 "Unë me të vërtetë nuk besoj se departamenti do të kishte ndërmarrë një hap kaq të rëndësishëm  vetëm për disa dosje që ata kishin tashmë në dorë," tha në CNN Andrew Mçabe, një ish-zëvendësdrejtor i FBI-së .

 “Duhej të kishte një dyshim, një shqetësim dhe në të vërtetë një informacion specifik që i bëri ata të besonin se kishte materiale shtesë që nuk ishin dorëzuar”.

Një ligj i njohur si Akti i Regjistrimeve Presidenciale kishte qenë në ballë të spekulimeve publike në lidhje me rrezikun ligjor të Trump.

 Ai ligj -- i miratuar pas Watergate për të bërë të qartë se disa të dhëna nga një presidencë i përkasin publikut dhe jo ish-mbajtësit të postit -- nuk është një statut penal dhe është parë si ligj relativisht pa dhëmbë.

Një urdhër kërkimi dhe prania e FBI-së nënkupton një hetim penal. Ka ligje të tjera të ruajtjes së të dhënave që sjellin me vete dënime penale -- siç është Akti i Spiunazhit -- por në këtë pikë nuk është e qartë se cilat statute penale janë përfshirë në hetimin e Departamentit të Drejtësisë.

Shkatërrimi ose heqja e të dhënave federale ose keqpërdorimi i dokumenteve të klasifikuara është krim. Ka ligje të tjera federale që synojnë të parandalojnë ngacmimin e informacionit gjatë një hetimi.

Në fillim të këtij viti, Departamenti i Drejtësisë lëshoi ​​fletëthirrje për materialet presidenciale, duke përfshirë dokumente të klasifikuara që Arkivi Kombëtar i kishte marrë më parë. FBI intervistoi gjithashtu ndihmësin e Trump.

Që hetuesit të përshkallëzojnë hetimin e tyre me një kërkim, "do të duhej të kishte diçka mjaft serioze që do të meritonte më shumë se një shuplakë " tha Firestone, tani një partner në firmën me bazë në DC, Levy Firestone Muse.

Është gjithashtu e dukshme që DD-ja nuk ka ndjekur rrugën e procesit gjyqësor civil kundër ish-presidentit për mënyrën sesi ai i trajtoi dokumentet në fjalë. Vetëm javën e kaluar, Departamenti i Drejtësisë ngriti një padi civile kundër ish-zyrtarit të Shtëpisë së Bardhë të Trump, Peter Navarro, duke pretenduar se Navarro kishte shkelur Aktin e të dhënave presidenciale  duke kërkuar një urdhër gjykate që e detyronte atë të dorëzonte emailet nga një llogari private që ai përdorte gjatë punës në Shtëpinë e Bardhë.

Por pse tani ?

Kërkimi u ekzekutua dy muaj pas takimit të paraportuar më parë të 3 qershorit midis hetuesve të DD-së dhe avokatëve të Trump në resort. Gjatë vizitës, katër hetues, duke përfshirë shefin e Seksionit të Kundërzbulimit dhe Kontrollit të Eksportit, vizituan një bodrum ku ruheshin kutitë e materialeve.

Pesë ditë më vonë, hetuesit i dërguan avokatëve të Trump një letër duke u kërkuar atyre të siguronin më tej dhomën ku ruheshin dokumentet, duke nxitur ndihmësit të shtonin një dry në dhomë.

Që FBI të ekzekutojë një urdhër kërkimi dy muaj më vonë, lë të kuptohet se zyrtarët federalë nuk ishin të kënaqur me atë që panë gjatw vizitëz ose se nuk ishin të sigurt në bashkëpunimin vullnetar që po merrnin nga ekipi i Trump, thanë disa ekspertë ligjorë.

“Fakti që FBI mësoi se Trump kishte ende dokumente në ‘Mar a Lago” në qershor dhe ndjeu nevojën të kthehej dy muaj më vonë me një urdhër kërkimi, më tregon se agjencia ka prova që Trump dhe stafi i tij po mbanin të dhënat shtesë të klasifikuara dhe duke mos ndërmarrë asnjë hap për t'i kthyer ato siç duhet në Arkiva, "tha Bradley Moss, një avokat i sigurisë kombëtare.

Çfarë ndodh më pas?

Ende nuk dihet se sa të pasigurt ishin avokatët e Trump me veprimet e FBI-së të ndërmarra të hënën dhe çfarë ka debatuar ekipi i Trump në DD në lidhje me trajtimin e dokumenteve në ndërveprimet e mëparshme me hetuesit.

Trump mund të ndërmerrte një hap ligjor parandalues ​​për të kundërshtuar në gjykatë mënyrën se si FBI e trajtoi kërkimin pwr dy qëllime. Ose  me qëllimin për të nxjerrë jashtë çdo provë që hetuesit kishin marrë ose të paktën të mund të mësonin më shumë rreth asaj që hetuesit po hetonin.

Por pa një veprimtari të tillë gjyqësore, hapat e ardhshëm të hetimit fare mirë mund të vazhdonin në fshehtësi.

A mund t'i ndalohet Trump të kandidojë për president nëse zbulohet se ka shkelur ligjin e të dhënave?

Një ligj tjetër,  në varësi të  hetimit të FBI-së, është ai që ndalon fshehjen, heqjen ose gjymtimin e qëllimshëm të të dhënave qeveritare. Ky ligj kërcënon çdo njeri më ndëshkimin për t’u  përjashtuar "nga mbajtja e ndonjë posti nën Shtetet e Bashkuara".

Megjithatë, ka pyetje në lidhje me kushtetutshmërinë e këtij ligji dhe zbatueshmërinë e tij për një kandidim presidencial të Trump, nëse ai do të dënohej sipas tij.

Për shkak se Kushtetuta përcakton kualifikime specifike për postin presidencial -- dhe parashtron një proces të veçantë fajësimi për skualifikimin e presidentëve nga mbajtja e postit në të ardhmen -- disa argumentojnë se Kongresi nuk do të kishte autoritetin për të miratuar një statut të tillë që do të zbatohej për një kandidat presidencial .

Lajme të lidhura

• FBI, Departamenti i Drejtësisë ndjek në mënyrë rutinë keqpërdorimin e dokumenteve të klasifikuara