.png)
Nga Gazeta 'SI' - 37% e familjeve në Shqipëri kanë deklaruar se nuk mund të mbajnë shtëpitë e tyre ngrohtë gjatë dimrit. Kjo përqindje konsiderohet si kufiri i sipërm i familjeve të varfra energjitikisht në Shqipëri, ndërsa për kufirin e poshtëm nuk ka të dhëna.
Kosova ka një shifër prej 40% të familjeve që nuk përballojnë dot ngrohjen e shtëpisë, shifra më e lartë në rajon.
Në Maqedoni të Veriut 33%, në Mal të Zi nga 8 në 15% dhe Serbi nga 7 në 22%. Në të gjithë Bashkimin Europian, kjo shifër është 7.4.%
Studimi i Komunitetit Energjitik në Europë, tregon se nga 734.080 familje, vetëm 29% e tyre subvencionohen për çmimin e energjisë, pra rreth 213.000 familje me 103 euro/familje. Nga vendet e rajonit, kjo është përqindja më e lartë e subvencionimit të energjisë për familjet.
Raporti jep edhe sugjerimet se si të menaxhohet dhe reduktohet varfëria energjitike, lidhur me dy lloje masash. Ato që synojnë rritjen e atë ardhurave në familje dhe sigurimin e shërbimeve utilitare. Dhe masat që synojnë të ulin shpenzimet e lidhura me energjinë.
Tre zgjidhjet që jep Komuniteti:
A. Mbrojtja
- Mbrojtje ndaj ndërprerjes së energjisë në rast mospagese
-Garantim i furnizimit minimal me energji
B. Rregullimi i çmimeve
- Tarifa sociale
- Matësa me parapagesë
C. Mbështetje direkte financiare
- Modele të ndryshme mbështetjeje për pagesën e faturave të energjisë dhe rritjen e të ardhurave.
Gjithsesi, shifrat e studimit bazohen në ato të vitit 2021 kur kriza energjitike në Europë dhe rajon nuk ekzistonte dhe reduktimet e rrymës nuk mund të imagjinoheshin. Momentalisht, Kosova po aplikon shkurtimet energjitike me orar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
