2100 këmbësorë dhe 1100 shoferë të ndëshkuar. Si të aplikoni për leje makine

Që prej masa të vendosura nga shteti për lëvizje të kontrolluar dhe për vetiziolim, policia ka vendosur gjoba të konsiderura të shkelësve të ligjit. Mësohet se deri më tani policia ka ndëshkuar 1100 shoferë që kanë qarkulluar nëpër rrugë në kundërshtim me rregullat e vendosura. Sipas burimeve nga ana e policisë së shtetit mësohet se janë gjobitur 2100 këmbësore që kanë thyer shtetrrethimin duke dalë pas orës 13:00, apo kanë qëndruar nëpër parqe.

Policia gjatë kontrollit të automjeteve, pas masave të shtuara kundër Covid-19

Gjobat admnistrative për këmbësorët janë në vlerën e 10.000 lekëve, ndërsa për ata që thyejnë rregullin e dalin me makina gjobiten me 20.000 lekë.
Për të gjithë ata që përpiqen të abuzojnë apo t’i shmangen zbatimit të këtyre masave se në terren, veç punonjësve të Policisë me uniformë, janë dhe qindra agjentë civilë, për të bërë të mundur evidentimin dhe ndëshkimin e shkelësve të masave kufizuese.

Vëmendja kryesore e policisë së shtetit është fokusuar në mos lejimin e mosha madhore, pensionistëve të mos lëvizin në rrugë, duke i këshilluar që të mos dalin nga shtëpitë. Policët i këshillojnë që për çdo problem që ato kanë të marrin në telefon 119 dhe të marrin më pas shërbimin e nevojshëm nga bashkia.

Si aplikohet për leje për lëvizjet me automjete
Ndërsa Policia e Shtetit për t'u ardhur në ndihmë shtetasve në lidhje me zgjidhjen e kërkesave të domosdoshme dhe për nevoja urgjente shëndetësore dhe të biznesit, për qarkullim me mjetet e tyre, sqaron se në në faqen zyrtare të saj www.asp.gov.al, ka publikuar një aplikacion të ri me emërtimin “Covid-19" - Lëvizja e kontrolluar me mjet!”

Të gjitha vetëdeklarimet, kërkesat për autorizime personale apo autorizime biznesi do të kryhen nga faqja zyrtare e Policisë së Shtetit, nëpërmjet këtij aplikacioni.
Për pajisjen me autorizim të ri, qytetarët duhet të plotësojnë njërin nga “deklarimet” e vëna në dispozicion: Vetëdeklarim, Autorizim Personal ose Autorizim Biznesi, duke klikuar në linkun e mëposhtëm: http://autorizime.asp.gov.al.

Gjatë aplikimit është e rëndësishme vendosja e saktë e të dhënave që i kërkohen aplikuesit, motivi i qarkullimit dhe itineraret e kërkuara. Në përfundim të aplikimit shfaqet një numër aplikimi, i cili i jep mundësinë qytetarëve të ndjekin fazat e konfirmimit të kërkesës së tyre online. http://autorizime.asp.gov.al/apply?p=a_d

Policia e Shtetit ka marrë masa për të përballuar shqyrtimin e të gjitha kërkesave të qytetarëve dhe bën me dije se çdo aplikim që plotëson kriteret sipas kërkesave të formularëve dhe miratohet nga ana e Policisë Rrugore do të jetë e verifikueshme nga patrullat e Policisë gjatë kontrolleve të ndryshme, në të gjithë territorin e vendit. T gjitha autorizimet e lëshuara më parë nga Policia dhe ato të konfirmuara nëpërmjet email-it nga ana e Policisë janë të vlefshme dhe nuk është e nevojshme të aplikohet përsëri.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.