Ka zgjatur 20 minuta seanca plenare e të enjtes ku në rend të ditës kishte miratimin e 14 projektligjeve.
Ashtu siç ishte edhe paralajmëruar mazhoranca ishte në bllok e pranishme duke arritur kuorimin e 75 votave për miratimin e projektligjeve të parashikuara në rend dite. Në fillim të seancës, Nikolla njoftoi papritur tërheqjen e projektligjit për lojërat e fatit.
Ndërsa kaloi një tjetër projektligj i diskutueshëm ai për Strategjine e Sigurisë Kombëtare ky Lulzim Basha kishte depozituar dy amendamente që thelbesisht lidheshin me sigurinë por edhe ndihmën financiare për Kosovën. Edhe deputete e Bashës ishin në bllok të pranishëm (përvec nj deputete qe mungonte). Por prania e tyre nuk ndikoi në ndonjë rezultat përveçse Basha mori votat kundër të deputeteve te PS-së për amendamentet dhe më pas fishkëllimat nga kolegët e tij të opozitës në momentin kur u largua me deputetët nga salla, sapo iu rrëzuan propozimet.
Pa shkuar tek ai votim, gjate kohës së votimit te projektligjeve të tjera grupi 'Basha' qëndroi ulur dhe indiferent.
Seanca e të enjtes nuk pati surpriza përveçse kalimin më shpejtësi të projektligjeve nga mazhoranca ku askush nuk kuptoi asgjë se cfarë kalohej. Në anën tjetër nuk munguan zhurmuesit nga deputete e opozitës, Edi Paloka që mbajti një fjalë në fillim dhe me pas dogji një rregullore te Kuvendit, deputeti Dashnor Sula i veshur me një xhaketë ku ironizonte lojërat e fatit dhe deputetët e tjerë që qëndruan gjatë gjithë kohës në këmbë.
Në fillim të seancës, jashtë dyerve te Kuvendit, deputeti Flamur Noka i përjashtuar me 20 ditë nga punimet e Kuvendit hodhi miell mbi gardistët.
Në fund të seancës, ai gjuajti me veze në drejtim të makinës se ministrit të Brendshem, Taulant Balla.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.