.png)
Ju nuk duhet të përpiqeni të përdorni detergjent enësh në asgjë tjetër përveç enëve, sepse mund t’i dëmtoni ato më shumë sesa t’i pastroni. Për shembull, nëse fërkoni xhezven moka me detergjen, ai do të lërë shumë mbetje që do të ndryshojnë shijen e kafesë tuaj dhe nëse ju mbaron detergjenti për larjen e enëve, mendohuni dy herë para se të vendosni sapun enësh brenda pjatalarësit. Ju mund të përfundoni me një shtëpi plot me shkumë.
Këtu keni 12 gjëra që duhet t’i mbani larg detergjentit të enëve.
Xhezve Moka
Detergjenti mund të lërë mbetje brenda xhezves Moka pas larjes dhe mund të jetë mjaft sfiduese heqja e gjithçkaje pas një shpëlarjeje. Do të duhet ta lani mirë disa herë dhe gjithashtu do të prishë fundin e xhezves tuaj. Përveç kësaj, mund të keni një shije sapuni në kafe.
Pjatalarëse
Detergjenti i enëve është jashtëzakonisht i vrazhdë dhe, nëse e vendosni në pjatalarëse, mund të dëmtoni makinerinë. Plus, mund të keni një problem tjetër të madh: shumë shkumë. Detergjenti special për pjatalarësin ka një formulë të krijuar posaçërisht që shpëlanë enët në mënyrë të përsosur dhe nuk krijon shumë shkumë.
Lavatrice
Ashtu si me pjatalarësen, ju nuk do të keni një mbrëmje të qetë nëse vendosni detergjent enësh në lavatriçe. Nuk do të jetë në gjendje të punojë dhe do të ‘shpërthejë’. Më shumë shkumë nuk do të thotë rroba më të pastra, thjesht më shumë punë për ti shpëlarë.
Makina
Edhe pse shumë thonë se detergjenti i enëve është një alternativë e mirë për larjen e makinave, ju nuk duhet ta përdorni fare dhe ka disa arsye: kimikatet e forta nga detergjenti i enës mund të dëmtojnë bojën nga makina juaj dhe gjithashtu mund të heqin çdo dyll mbrojtës që mund të keni mbi të. Sapo të thahet, lëngu gjithashtu mund të lërë mbetje në makinën tuaj sepse është e vështirë të shpëlahet.
Flokë
Detergjenti i enëve është shumë i ashpër për flokët tuaj dhe do të heqë të gjithë vajrat e tij thelbësorë. Dhe këto vajra esencialë janë kritikë për flokë të bukur dhe të shëndetshëm. Kripa nga detergjenti do të thajë plotësisht flokët tuaj, kështu që skalpi juaj do të irritohet. Plus, një përbërës tjetër, natriumi lauril sulfat, mund të shkaktojë një gjendje të lëkurës të quajtur dermatit.
Dritare dhe pasqyra
Detergjenti i enëve do të heqë pa dyshim papastërtitë nga dritaret ose pasqyrat tuaja siç bën në syzet tuaja. Por do të jetë shumë e vështirë të hiqni vija që lë pas tyre pasi të përpiqeni ta lani. Pra, nëse doni dritare dhe pasqyra me shkëlqim të përsosur, thjesht përdorni pastruesin tuaj klasik të xhamave.
Tiganin me vaj
Detergjenti i enëve do të heqë shtresën me vaj nga sipërfaqja dhe çdo ekspert i gatimit e di se kjo është ajo që ndihmon për të ngrohur ushqimin në mënyrë të barabartë dhe gjithashtu shton shijen. Nëse e bëni sidoqoftë, përpiquni ta bëni më rrallë dhe përdorni këtë metodë alternative pastrimi: vendosni kripë në tiganin akoma të ngrohtë dhe fërkojeni me një letër.
Dysheme druri
Përdorimi i detergjentëve të enëve në dyshemetë e drurit të fortë do t’i lërë ata vetëm të gërvishtur. Në vend të kësaj, nëse doni të keni dysheme druri të përsosur dhe me shkëlqim, fshijini ato së pari për të hequr çdo papastërti ose zhavorr që mund të lërë gjurmë. Më pas, përdorni një pastrues të lagur dhe fshini të gjitha sipërfaqet.
Rekomandohet të përdorni produkte pastrimi të bëra posaçërisht për dysheme druri.
Lëkurë
Lëkura është një produkt mjaft delikat dhe kimikatet nga detergjenti i enës mund ta shkatërrojnë atë. Ashtu si lëkura juaj, artikujt prej lëkure kanë nevojë edhe për një krem hidratues për ta mbajtur materialin të butë. Mund të përdorni detergjentin e enëve në këpucët tuaja prej lëkure, por përpiquni ta shmangni atë në veshjet prej lëkure.
Qen
Detergjenti i enëve mund të jetë shumë i ashpër për lëkurën dhe leshin e qenit tuaj. Me përdorim të rregullt, do të vini re se lëkura e tij do të irritohet dhe do të thahet shumë. Interneti është plot me receta DIY për shampot e qenve dhe detergjenti nuk është pjesë e tyre.
Rekomandohet blerja e një produkti të veçantë për qen. Ka përbërësit e duhur për të mbrojtur lëkurën e kafshës suaj.
Nëse përdorni shampon tuaj, lëkura e qenit mund të thahet sepse është krijuar posaçërisht për nivelet e pH të njeriut. I njëjti rregull vlen edhe për macet.
Bimë
Detergjenti i enëve nuk do të zëvendësojë kurrë sapunin insekticid për 2 arsye shumë të thjeshta: është shumë i ashpër për bimët dhe nuk do të bëjë një punë të mirë. Megjithëse ka shumë receta DIY në internet që tregojnë se si të kujdeseni për bimët tuaja, përsëri duhet të përdorni një lëng të vërtetë insekticid, i cili është i lehtë për vetë bimët, por vdekjeprurës për insektet.
Fruta dhe perime
Sado joshëse mund të duket, mos u përpiqni të pastroni frutat dhe perimet tuaja me detergjent pjatash. Ata kanë pore dhe detergjenti mund të bllokohet aty. Ju gjithashtu mund të keni probleme gastrointestinale ose të përziera, nëse përfundoni duke e konsumuar në një mënyrë a tjetër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
