.png)
Pas 16 vitesh, Serxhio Ramos do të lërë Real Madridin. Lajmin e ka bërë të ditur klubi spanjoll formalisht, ndërsa të enjten kapiteni do të japë lamtumirën në një konferencë shtypi, ku do të jetë i shoqëruar nga presidenti Florentino Perez. Ramosit i është ofruar një kontratë prej 5 milionë eurosh, por bisedimet perënduan menjëherë.
Serxhio Ramos kaloi te Reali ditën e fundit të merkatos së verës 2005, duke lënë Seviljen, ku ishte rritur. Gjatë kësaj periudhe ai është bërë madridisti i katërt me më shumë ndeshje, 671, dhe i dyti sa u takon trofeve të fituar, 22, një më pak se Gento. Mes trofeve të fituar janë 4 Champions dhe 5 tituj kampion në Spanjë. Ramos ka shënuar 101 gola, ai është një legjendë e Realit dhe “gran capitan” në Madrid.
Ramos fitonte rreth 12 milionë euro dhe kjo është paga që i është ofruar David Alabës. Kapitenit iu ofruan 5 milionë euro, bisedimet u bllokuan menjëherë dhe nuk rifilluan më. Ndeshja e fundit e Ramosit me Realin e Madridit është ajo në “Stamford Bridge”, ku madrilenët u eliminuan nga Çelsi në Ligën e Kampionëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
