.png)
Një zjarr i përmasave të mëdha ka rënë mbrëmjen e sotme në Fushë-Krujë, në kodrën e quajtur “Kodra e Dervinëve”, ndërsa mësohet se flakët rrezikojnë seriozisht një banesë e cila ndodhet afër vatrës së zjarrit.
Në vendngjarje kanë shkuar dy mjete zjarrfikëse dhe forca të shumta policore, ndërsa flakët po përhapen me shpejtësi të favorizuara edhe nga era.
Ndërkohë, një zjarr ka përfshirë pasditen e sotme masivin kodrinor në zonën e Selitës në kryeqytet. Kodra e vendosur përballë Yzberishtit është e mbjellë me ullinj dhe ka bimësi të dendur.
Zjarri është aktiv prej më shumë se 1 ore, ndërsa në vendngjarje kanë mbërritur tre automjete të zjarrfikëses për të bërë të mundur shuarjen e flakëve. Për fat të mire, pranë vatrës së zjarrit nuk ka banesa.
Nuk raportohet për të lënduar, ndërsa pritet të zbardhen edhe shkaqet e tij, nëse zjarri ka qenë aksidental apo i qëllimshëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
