.png)
Policia ka goditur një tjetër rast të zhvillimit të aktivitetit të paligjshëm të lojërave të fatit dhe ka vënë në pranga dy persona.
Ndërkohë janë sekuestruar 32 makineta, një sasi e konsiderueshme vlerash monetare dhe 3 kasaforta të mbyllura.
“Si rezultat i kontrolleve të ushtruara në vijim të operacionit ‘Fati i lojërave’, në aksin rrugor Milot - Thumanë, shërbimet e Policisë, gjatë kontrollit të ushtruar në lokalin e marrë me qira nga shtetasi Gj. P. dhe që menaxhohej nga shtetasi A. K., kanë gjetur dhe sekuestruar 32 makineta që shërbenin për zhvillimin e lojërave të fatit, 421.000 lekë të rinj, 3325 euro dhe tri kasaforta të mbyllura”, thuhet në njoftimin e policisë.
Policia thotë se janë vënë në pranga shtetasit: Gj. P., 28 vjeç, banues në Mamurras dhe A. K., 40 vjeç, banues në Thumanë.
Materialet procedurale i kaluan Prokurorisë pranë Gjykatës së Shkallës së Parë Kurbin, për veprat penale “Organizimi i lotarive të palejuara” dhe “Vënia në dispozicion e lokaleve për lojëra të palejuara”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
