Zhduket në rrethana misterioze një vajzë nga Lushnja, e cila vuante nga probleme të shëndetit mendor.
Bëhet fjalë për Etleva Biçaku, e cila është larguar nga shtëpia pa lënë gjurmë më 29 janar.
Sipas familjarëve, ajo është larguar rreth orës 7 të mëngjesit, të premten e 29 janarit, në Lushnjë.
Etleva ishte ndarë nga një martesë 6 vite më parë dhe që atëherë ka vuajtur me depresioni, madje ka qenë e shtruar në spitalin e Elbasanit.
Elmaz Biçaku, vëllai i Etlevës tregon se gjendja e saj shëndetësore ishte përkeqësuar ditët e fundit. “Kohët e fundit nuk merrte mjekimin rregullisht, nuk hante, i iku oreksi. Ishte e mbyllur në vetvete. Ka 6-7 vite me probleme, është shtruar 2 3 herë në Elbasan. Atje përmirësohej dhe e merrnim në shtëpi, me shpresën që Etleva do e merrte veten”, mësohet të jetë shprehur i vëllai.
Familjarët bëjnë apel nëse dikush e ka parë t’i kontaktojë. Po ashtu ata kërkojnë që grupet e hetimit të kërkojnë në lumin Shkumbin, që ndodhet pranë shtëpisë pasi dyshojnë se ajo mund të jetë mbytur në lumë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
