Gazeta Si – Mbrojtësi i Milanit është vënë në shënjestrën e Prokurorisë së Torinos për ushtrim abuziv të aktivitetit të basteve.
Zgjerohet hetimi në lidhje me bastet, që ka tronditur së fundi futbollin italian. Edhe Alesandro Florenci është përfshirë në listën e atyre që po hetohen nga Prokuroria e Torinos. Për lojtarin e Milanit akuza është ajo e ushtrimit abuziv të aktivitetit të lojës apo basteve, një vepër e parashikuar në nenin 4.
Futbollisti do të merret në pyetje ditët e ardhshme. Emri i Florencit u shtohet atyre të Nikolò Faxholit, Sandro Tonalit dhe Nikolò Xaniolos.
Dy të parët kanë bërë tashmë një pakt me Prokurorinë federale për skualifikimin respektivisht me 10 dhe 7 muaj. Sulmuesi i Aston Vilës, përpara drejtësisë sportive është mbrojtur duke thënë se nuk ka vënë kurrë bast në futboll.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.