Gazeta Si - Moska ka refuzuar kërkesën e kandidates pacifiste Ekaterina Duntsova për të kandiduar në zgjedhjet presidenciale të vitit të ardhshëm në Rusi.
Vendimi u mor nga Komisioni Qendror i Zgjedhjeve, i cili përmendi "gabime në dokumente" të paraqitura nga Duntsova.
Gruaja, një ish-gazetare dhe këshilltare e qytetit, drejton një fushatë që lufton për demokracinë dhe fundin e ofensivës në Ukrainë.
I menjëhershëm ka qenë reagimi i Ekaterina Duntsova ndaj komunikimit zyrtar për përjashtimin e saj nga zgjedhjet presidenciale të marsit 2024.
Në fakt, përmes faqeve të saj sociale, sfiduesja e Putinit e ka bërë të qartë se nuk ka ndërmend të dorëzohet.
“Unë e kontestoj këtë përjashtim dhe do të apeloj në Gjykatën e Lartë kundër vendimit të Komisionit Qendror të Zgjedhjeve, - thotë aktivistja, duke parashikuar lëvizjen e saj të radhës, - dhe do të kërkoj nga partia opozitare Yabloko (me karakter socio-liberal dhe properëndimor) për të më emëruar mua si kandidaten e saj për presidente për Rusinë 2024".
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.