.png)
Gazeta Si – Partia Socialiste ka zgjedhur Albert Halilajn si kandidat të saj për zgjedhjet për bashkinë e Kukësit, ku synon të fitojë sërish. Regjistrimi nga partitë politike mund të bëhet deri më 1 shtator, kurse nga kandidatët deri më 8 shtator.
Në anën tjetër, demokratët ende nuk kanë zgjedhur një kandidat për këto zgjedhje. Rithemelimi i drejtuar nga Sali Berisha ka propozuar 10 kandidatura.
Bashkia e Kukësit do të zgjedhë kreun e saj të ri më 24 shtator, pasi ish-kryebashkiaku Safet Gjici u arrestua pak kohë më parë nga SPAK-u, për shkak të publikimit të një videoje intime me një vajzë në ambientet e bashkisë.
Safet Gjici dha dorëheqjen pas publikimit të kësaj videoje. Ai ishte zgjedhur kryebashkiak i Kukësit më 14 maj, ndërsa pas largimit të tij institucionin e ka drejtuar nënkryetari Granit Gjana.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
