.png)
Një tjetër kandidate nga listat e LSI ka dorëzuar formularin e dekriminalizimit në KQZ, duke kërkuar kështu të marrë mandatin e deputetit.
Mësohet se kandidatja që kërkon mandatin e deputetit është Enada Koçiraj, pjesë e listës së LSI në Qarkun e Vlorës.
Enada Koçiraj ishte e treta në listën e Vlorës dhe do të zëvendësojë ish-deputetin Shezai Rrokaj. Bashkë me Ralf Gjonin dhe Nimet Musain marrin nesër mandatin nga KQZ dhe do të betohen në seancën plenare të së enjtes.
Ajo është kandidatja e dhjetë nga radhët e LSI që kërkon të marrë mandatin e deputetit pas djegies së mandateve parlamentare nga opozita.
Deri më tani janë 17 kandidatë në total nga opozita e re që kërkojnë mandatin e deputetit, ndërsa 4 prej tyre janë betuar në Kuvend dhe të tjerët janë në proces.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
