Presidenti i Ukrainës, Volodymyr Zelensky, ka reaguar pas lëshimit të urdhër-arrestit së Gjykatës Ndërkombëtare Penale ndaj kreut rus Vladimir Putin për krime lufte, si dhe dëbimin e fëmijëve ukrainas.
“Ndarja e fëmijëve nga familjet e tyre është privimi nga çdo mundësi për të kontaktuar të afërmit e tyre. Fshehja e fëmijëve në territorin rus është padyshim politika e tyre e re”, ka thënë Zelensky.
Më tej, Zelensky tha se do të ishte e pamundur të kryhej një operacion i tillë kriminal pa Putinin, në një postim në Telegram.
Gjithashtu ai ka falënderuar vendimin e gjykatës, duke thënë se ‘të gjithë në botë po na ndihmojnë të luftojmë për drejtësi’.
Gjykata Ndërkombëtare e Krimeve ka firmosur një mandat arresti për presidentin rus Vladimir Putin dhe Maria Lvova-Belova-n.
Mandati i arrestit për liderin rus dhe zyrtaren Lvova-Belova është firmosur pasi dyshohet se janë përgjegjës për skemën e deportimit të fëmijëve ukrainas në Rusi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.