Sot në mbrëmje në Athinë mblidhen liderët e rajonit dhe të vendeve anëtare të Bashkimit Europian, me ftesë të kryeministrit grek Kyriakos Mitsotakis.
Në takimin informal, të organizuar për Samitin e Ballkanit Perëndimor-BE, do të marrin pjesë Presidenti i Këshillit Evropian Charles Michel dhe Presidentja e Komisionit Evropian Ursula von der Leyen.
Sipas gazetës greke Protothema, një i ftuar surprizë do të jetë në mbrëmjen në Athinë, që u mbajt sekret nga zyrtarët grekë. Presidenti ukrainas Volodymyr Zelensky mësohet se do të jetë pjesë e darkës.
Zelensky është në një turne evropian këto ditë, pasi ka vizituar Suedinë, Danimarkën dhe Holandën.
“Ndërkohë në darkë mungon Shqipëria, mungesa e së cilës vë në pah “ngrirjen” e marrëdhënieve greko-shqiptare, pas burgosjes së kryebashkiakut të Himarës, Fredi Beleri”, shkruan gazeta greke.
Qeveria greke nuk i dërgoi ftesë kryeministrit Rama për të marrë pjesë në takimin informal, për shkak të burgosjes së Fredi Belerit. Ndërkohë ftesa iu është dërguar Presidentit Bajram Begaj, i cili e ka refuzuar ftesën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.