.png)
Gazeta Si - Përgjigja e Vladimir Putin ndaj rebelimit nga grupi paramilitar Wagner ishte "i dobët" dhe presidenti rus "po humb kontrollin mbi popullin e tij".
Presidenti i Ukrainës, Volodymyr Zelenski, e tha në një intervistë dhënë stacionit televiziv CNN: "Së pari, ne kemi parë që Putini nuk ka kontroll të plotë. Fakti që Brigada Wagner u zhvendos thellë në Rusi dhe pushtoi disa rajone tregon se sa e lehtë është. Putin nuk e kontrollon situatën në rajone. E gjithë ajo fuqi vertikale që kishte është duke u shkatërruar.
Sipas Zelenskit, "raportet e inteligjencës ukrainase" tregojnë se gjatë kryengritjes Kremlini po merrte pulsin e mbështetjes ruse për kreun e Grupit Wagner Evgenji Prigozhin dhe thuhet se zbuloi se rreth "gjysma e rusëve e mbështetën" kryengritjen.
Gjatë intervistës, Zelenski kritikoi edhe një herë rrjedhjet në mediat amerikane në lidhje me konfliktin në Ukrainë: ai tha se ishte "i befasuar" që takimi i tij i fundit në Kiev me drejtorin e CIA-s, William Burns u zbulua në media dhe shtoi në lidhje me këtë se “nuk kemi sekrete nga CIA, sepse kemi një marrëdhënie të mirë. Shërbimet tona të inteligjencës flasin me njëri-tjetrin”.
Presidenti ukrainas tha se rebelimi i Prigozhin, "pati një ndikim të madh në forcën e rusëve në fushën e betejës", duke lehtësuar kundërsulmin e Ukrainës.
Në fund, Zelenski u kthye për të përjashtuar kategorikisht çdo lëshim territorial ndaj Rusisë, përfshirë Krimenë: “Ne nuk mund ta imagjinojmë një Ukrainë pa Krimenë. Për sa kohë që Krimea mbetet nën pushtimin rus, lufta nuk mund të thuhet se ka përfunduar”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
