Keshilla

Zbulohet pilula që “parandalon” HIV-AIDS

Hulumtimet e reja tregojnë një reduktim të pashembullt në rastet e virusit që shkakton HIV-AIDS.

Pilula që u morë çdo ditë nga mijëra njerëz në Sidnej dhe në pjesë të tjera të Australisë, çoi në uljen globale të rasteve të reja të HIV-it, duke treguar se mund të ishte zbuluar një “formulë” parandaluese për epideminë e AIDS.

Raste të reja të HIV-it midis meshkujve homoseksualë dhe biseksualë ranë me pothuajse një të tretën. Të dhënat u zbuluan nga një studim që mati ndikimin e tabletës Truvada në zvogëlimin e virusit që shkakton AIDS. Rezultatet, e botuara të enjten në revistën mjekësore Lancet HIV, mund të frymëzojë shtetet dhe vendet e tjera për të ndaluar transmetimin e virusit me përdorimin e një trajtimi të quajtur profilaksia para ekspozimit

“Infeksionet e reja të HIV-it te meshkujt homoseksualë dhe biseksualë kanë shënuar rënie dhe  kjo është për tu befasuar”, tha kreu i studimit Andrew Grulich, gjithashtu kreu i epidemiologjisë dhe parandalimit të HIV-it në Institutin Kirby të Universitetit të Uellsit të Ri Jugor. “Këto shifra janë më të ulëtat që prej mbikëqyrjes së HIV-it në vitin 1985”, theksoi ai. 

Lufta kundër AIDS gjatë 15 viteve të fundit ka frymëzuar shtetet anëtare të OKB-së për t’i dhënë fund epidemisë deri në vitin 2030. Numri i njerëzve të infektuar me HIV ra në 1.8 milion në mbarë botën në vitin  2017, nga më shumë se 3 milion që ishte në vitin 1991. “Edhe pse rezultatet e studimit nuk mund të përgjithësohen për të treguar efikasitet të ngjashëm tek popullata heteroseksuale, ato tregojnë se pilula  “ka pasur  shumë efektive” në disa grupe me rrezik të lartë”, tha Grulich në një intervistë telefonike.

Infeksione të reja të HIV preken 102 burra homoseksualë dhe biseksualë në shtetin e New South Wales në vitin e parë pas fillimit të studimit, krahasuar me 149 infeksione në 12 muajt e mëparshëm.

Në fund të qershorit, në SHBA rreth 180,000 persona kishin pirë pilulat Truvada për parandalimin e virusit, tha Robin L. Uashington, shefi financiar i Galaadit, në një konferencë në korrik.

Pilula blu, në formë ovale është një kombinim i dozës fikse të tenofovir, disoproxil dhe emtricitabine. Versione të përgjithshme të Truvada të bëra nga Mylan NV, Cipla Ltd. dhe Teva Pharmaceutical Industries Ltd. kanë bërë ilaçet të hidhen në treg më çmime më të lira.

“Jam më shumë i bindur tani që politikëbërësit janë shumë inovatore kur mendojnë se si të avancojnë në luftën kundër HIV-it “, tha Milligan.


Copyright © Gazeta “Si”



Më Shumë