Gjykata e Tiranës dënon me 30 vite burg Islam Myrtajn, i akuzuar për vrasjen e Haxhi Baçinozit, ngjarje e ndodhur në vitin 2019 tek Liqeni Artificial.
Myrtaj u shpall fajtor për “vrasje me paramendim” dhe “armëmbajtje pa leje”.
Krimi ndodhi më 16 mars 2019 tek Liqeni Artificial në Tiranë. Në gjykim Myrtaj shfaqi pendesë për krimin, por mohoi të kishte qenë paramendim.
Prokuroria kërkoi 35 vjet burgim për Islam Myrtajn, i akuzuar për vrasjen e Haxhi Baçinozit.
Baçinozi u ekzekutua tek Liqeni Artificial në sy të djalit të tij nga 62-vjeçari Myrtaj, i cili u dorëzua disa ditë më pas duke pranuar se krimi kishte ndodhur për shkak të një borxhi të vjetër prej 45 mijë euro që Baçinozi ia kishte dhënë ish-mikut të tij, Islam Myrtaj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.