Ka përfunduar në pranga autori i vrasjes së punonjësit të hidrocentralit në fshatin Vrrithë në Pukë.
Policia bën me dije se është arrestuar shtetasi Enderis Dodaj, 25 vjeç, banues në Tiranë.
Krimi i rëndë ndodhi mbrëmjen e 8 shkurtit, ku 25-vjeçari Doda vrau kolegun e punës, Petrit Biba, 30 vjeç pranë hidrocentralit.
Grupi hetimor bën me dije se vrasja e 30-vjeçarit ka ndodhur nga pakujdesia në prani të disa punonjësve të tjerë që po pushonin në të njëjtin ambient, dhe se arma e zjarrit ka qenë pa leje.
Petrit Biba, pasi u qëllua, u dërgua me shpejtësi në spitalin e Pukës dhe më pas në Shkodër, por nuk arriti që të mbijetonte si pasojë e plagëve të rënda që mori. Materialet iu referuan Prokurorisë Pranë Gjykatës së Shkallës Parë Pukë për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.