.png)
Arratia autorit të vrasjes së një çifti në fshatin Mbrostar të Fierit në vitin 1999 ka marrë fund pas 20 vitesh. 43-vjeçari Viktor Pelivani është ekstraduar nga Austria, pasi ndaj tij gjykatat kanë vendosur dënimin me burg përjetë për grabitjen me pasojë vrasjen e bashkëshortëve Bajram dhe Natasha Driza, 45 dhe 36 vjeç.
Ngjarja e rëndë ka ndodhur në orët e vona të mbrëmjes së 7 gushtit të vitit 1999. Bajram Driza sapo ishte kthyer nga Greqia për të festuar emrin e djalit të porsalindur. Festa u kthye në tragjedi, kur Viktor Pelivani, në bashkëpunim me Jurgen Baçjan dhe Feta Kaja kanë hyrë në banesë për t’i grabitur.
Ata kanë vrarë me armë zjarri çiftin e bashkëshortëve dhe e gjitha për t’u marrë një shumë të vogël parash që i ndjeri kishte siguruar nga puna si emigrant në Greqi.
Megjithëse ndodhej në kërkim që prej vitit 1999, emri i Pelivanit është vendosur në listën e personave të shumëkërkuar të Qarkut të Fierit është vendosur vetëm një vit më parë.
Ndërkohë, për të njëjtën ngjarje me burg përjetë është dënuar edhe Jurgen Baçja dhe Feta Kaja. I pari është arrestuar dhe po vuan dënimin, ndërsa i dyti ndodhet ende në arrati.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
