Policia e Vlorës ka shpallur në kërkim dy persona, në lidhje me vrasjen e një dite më parë në Vlorë të Taulant Beqirajt.
Policia thotë se dy personat e shpallur në kërkim janë Elton Hajnaj dhe Skerdjan Gabriani, ndërkohë pak momente pas ekzekutimit të Beqirajt u arrestua edhe një prej autorëve të dyshuar të ngjarjes, Andi Jonuzaj.
31-vjeçari Beqiraj ka përdorur më parë edhe mbiemrin Manaj, ndërsa në trup iu gjet një kartë identiteti me emrin Tauland Gjikaj.
Autoritetet sekuestruan edhe makinën me të cilën udhëtonin autorët e dyshuar të ngjarjes, si dhe armën me të cilën ekzekutuan 31-vjeçarin.
Motivet e kësaj ngjarjeje nuk dihen ende.
Viktima ishte një emër i njohur për drejtësinë, i cili ka qenë i dënuar për armëmbajtje pa leje dhe vrasje të mbetur në tentativë.
Gjikaj kishte qenë i përfshirë në një përplasje me armë zjarri të ndodhur në vitin 2018 në lagjen 28 Nëntori në Vlorë, ku mbetën të plagosur 3 persona.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.