.png)
Zhvillohet tenderi publik me procedurë të hapur për “Dhënien e të drejtave të përdorimit në brezin e frekuencave 800 Mhz (792-862 mhz)” në mjediset e AKEP.
Procedura e tenderit u zhvillua për dhënien e 3 (tre) të drejtave të përdorimit në brezin e frekuencave 800 MHz (790-862 MHz), ku secila e drejtë përdorimi është bllok i çiftuar 10 MHz.
Por oferertuesi i vetëm i paraqitur ishte Vodafone Albania Sh.a. AKEP bën me dije, se sipas dokumentave të tenderit, procedura e tenderit u zhvillua me tre raunde, ku çmimi minimal për një të drejtë përdorimi për secilin raund është 7,440,000 (shtatë milion e katërqind e dyzet mijë) Euro.
Shoqëria Vodafone Albania Sh.a, ofroi shumën 7,440,001 (shtatë milionë e katërqind e dyzet mijë e një) Euro, për marrjen e një të drejte përdorimi.
Më pas, Komisioni i Vlerësimit të Ofertave u tërhoq për verifikimin e dokumentacionit ligjor, ekonomik e teknik,shoqërues të ofertës të paraqitur nga shoqëria Vodafone Albania sh,a, për një të drejtë përdorimi, për raundin e dytë.
Bazuar në dokumentet e tenderit,pas verifikimit të dokumentacionit, Komisioni i Vlerësimit të Ofertave, do të paraqesë raportin përmbledhës përpara Këshillit Drejtues të AKEP, për vendimarrje të mëtejshme.
AKEP thotë se është i bindur që ky proces do ti hapë rrugën investimeve të operatorëve për përmirësimin e cilësisë së shërbimeve të tyre dhe mundësinëe aksesit në to, për të gjithë përdoruesit e shërbimeve të komunikimeve elektronike.
Përdorimi i këtij brezi të frekuencave është në funksion të përmirësimit të cilësisë së ofrimit të shërbimit të komunikimeve elektronike për pajtimtarët si konsumatorë fundorë.
Zhvillimi i tenderit në fjalë është shtyrë disa herë. Në nëntor të vitit që shkoi, T Mobile përmes një letre zyrtare i drejtohej AKEP për të shtyrë zhvillimin e këtij tenderi meqënëse ishte në proces të kalimit të aksioneve tek askionerë të rinj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
