.png)
Policia e Vlorës ka vënë në pranga 3 shtetas për dhunë në familje.
Një 31-vjeçar akuzohet për dhunë ndaj bashkëshortes e një 27-vjeçar për dhunë ndaj nënës së tij, situata është më e rëndë në rastin e një 60-vjeçari që ngacmoi seksualisht të bijën.
Policia thotë se janë vënë në pranga shtetasit:
A. H., 31 vjeç, banues në fshatin Sherisht, Vlorë, pasi ditën e djeshme dyshohet se ka ushtruar dhunë fizike ndaj bashkëshortes së tij, për motive të dobëta.
F. H., 27 vjeç, banues në Vlorë, pasi më 24 qershor në banesë dyshohet se ka ushtruar dhunë fizike dhe psikologjike ndaj nënës së tij, për motive të dobëta.
Z. S., 60 vjeç, i cili ishte në kërkim, banues në fshatin Babicë e Madhe, Vlorë, pasi më 23 qershor, në banesë dyshohet se ka ushtruar dhunë fizike dhe ka ngacmuar seksualisht vajzën e tij.
Materialet iu referuan Prokurorisë Vlorë për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
