Gazeta Si – Java e 13-të e Superiores është mbyllur sot me dy ndeshjet e fundit të saj, ku Skënderbeu ka fituar në Korçë 3-1 me Teutën, kurse Vllaznia barazoi pa gola në ‘Loro Boriçi’ me Laçin.
Skënderbeut e mbylli pjesën e parë në avantazhin e dy golave, por mbeti me 10 vetë, sepse Ardit Nikaj doli me karton të kuq. Durrsakët shkurtuan për një moment rezultatin në 2-1, por më pas pësuan golin e tretë, edhe pse ishin në superioritet numerik, kështu që dolën pa pikë nga transferta korçare. Skënderbeu ngjitet në vend të 4-t.
Vllaznina mbetet në krizë rezultatesh dhe duket se as dy Osmanët nuk po i bëjnë punë. As trajneri Qatip Osmani, i cili nuk ka shijuar ende fitoren e parë me këtë skuadër në 3 ndeshje të luajtura, as drejtori sportiv Tefik Osmani, që sapo ka shkuar në Shkodër.
Skuadra veriore ka marrë vetëm 2 pikë në 4 ndeshjet e fundit, duke vazhduar rënien e lirë drejt fundit të tabelës. Në ndeshjen e sotme me Laçin Vllaznia fitoi një penallti, që më pas iu hoq nga VAR-i. Me këtë ecuri, shkodranët duket se do ta kenë të vështirë të mbijetojnë në Superiore.
Para ndeshjes u mbajt një minutë heshtje nga ana e skuadrës shkodrane, në respekt të humoristit Zef Deda, i i cili u nda sot nga jeta. Po ashtu, u mbajt një minutë heshtje edhe për nder të Rafael Duamenës, futbollistit që humbi jetnë në fushë disa ditë më parë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.