Vllaznia, një nga skuadrat më me emër të Superiores, ndodhet në një situatë kaotike. Shkodranët kanë katër muaj pa u paguar, me lojtarët që nuk paguhen që në muajin janar, pra para se të shpërthente pandemia e Covid-19. Situatën e bën edhe më kaotike fakti që më 31 maj futbollistëve u përfundon kontrata dhe duhet një takim me përfaqësuesit e klubit për të vazhduar më tej, pasi tashmë kampionati shtyhet edhe dy muaj më shumë nga situata e krijuar.
Rreth kësaj çështje ka reaguar edhe kryetarja në detyrë e Bashkisë Shkodër, Voltana Ademi, e cila i i ka dërguar një letër Këshillit Bashkiak në lidhje me situatën e krijuar nga pagat e prapambetura në klubin e Vllaznisë. Ademi ka fajësuar për këtë situatë Këshillin Bashkiak që nuk ka lëvruar fondet, pasi Bashkia e Shkodrës e ka miratuar Buxhetin për vitin 2020 që në dhjetor të vitit 2019.
Ky problem i përhershëm, u duk sikur u zgjidh në muajt e fundit të vitit të shkuar, por historia po përsëritet në Shkodër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.