.png)
Vllaznia në futboll për femra do të luajë me një skuadër turke në turin e parë eliminator të Ligës së Kampionëve. Gaziantep Alg Spor Kulubu është kundërshtari i vajzave shkodrane, kampione në fuqi të Shqipërisë. Ky ishte verdikti i shortit të hedhur sot në Nion.
Gaziantep është një skuadër që luan për herë të parë në Ligën e Kampionëve për femra. Kjo skuadër e fitoi të drejtën për të marrë pjesë në këtë kompeticion, sepse kur kampionati turk u ndal, ishte në vend të parë. Pozitiv është fakti që Vllaznia do ta luajë ndeshjen në stadiumin “Loro Boriçi”, më 3 ose 4 nëntor.
Për shkak të pandemisë, kualifikimi do të vendoset në një ndeshje dhe shkodranet mund të shfrytëzojnë faktorin fushë për të kaluar në turin e dytë. Këtë herë shorti ishte ndryshe, ku 40 skuadrat pjesëmarrëse në turin e parë eliminator janë ndarë në dy vazo me nga 20 skuadra secila. Vllaznia, falë koeficientit të saj, ishte vendosur në vazon e parë. Kjo është hera e 9-të që kampionet e Shqipërisë marrin pjesë në Kupat e Europës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
