.png)
Policia greke ka arrestuar një 35-vjeçar shqiptar në Maroussi të Athinës, pasi akuzohet për grabitje dhe vjedhje të përsëritura.
Në kërkim është shpallur dhe bashkëpunëtori i tij në krim.
Siç shkruajnë mediat greke, dy të rinjtë dyshohet se kanë grabitur ndër të tjera edhe një çift, duke iu marrë çantën që kishin me vete me para. Çifti njoftoi policinë, që ka bërë edhe arrestimin e shqiptarit, si dhe identifikimin e bashkëpunëtorit, të cilën e shpallën në kërkim, raportojnë mediat greke.
I riu shqiptar ka bërë rezistencë në kohën që është prangosur. Në vendin e grabitjes u gjet dhe u konfiskua motoçikleta e autorëve, mjete të ndryshme për vjedhje, doreza, një pistoletë më gaz, dy helmeta motorësh, një kapuç dhe një telefon.
Gjatë hetimeve të policisë, ka rezultuar se 35-vjeçari dhe bashkëpunëtori i tij kanë qenë vjedhës sistematik në zonën e Atikës në Athinë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
