Visco: Inflacioni në Europë mund të bjerë më shpejt se parashikimi

Anëtari i Këshillit Drejtues të Bankës Qendrore Europiane, Ignazio Visco tha se inflacioni mund të ulet më shpejt se sa parashikoi institucioni muajin e kaluar pasi rënia e kostove të energjisë vazhdon të ndikojë në një gamë më të gjerë çmimesh.

Ndërsa masat e inflacionit që heqin artikujt e paqëndrueshëm janë "kokëforta", çmimet më të ulëta për mallrat duke përfshirë gazin natyror pritet të kenë një ndikim, deklaroi Visco për Bloomberg.

“Meqenëse ne kemi vëzhguar gjithashtu një ulje të konsiderueshme të çmimeve të energjisë, duhet të presim që kjo të reflektohet edhe në inflacionin themelor në muajt e ardhshëm, sigurisht deri në fund të vitit,” tha Visco.

“BQE projekton që deri në fund të vitit 2025 inflacioni do të jetë 2%”, tha Visco i cili gjithashtu drejton Bankën e Italisë.

Zyrtarët po planifikojnë të rrisin normat e interesit me 25% në një takim javën e ardhshme.

Është e paqartë nëse kjo do të shënojë fundin e rrugëtimit të tyre apo nëse fushata shtrënguese më e ashpër në historinë e bankës qendrore do të vazhdojë në mbledhjen e ardhshme të planifikuar në shtator.

Ndërkohë që më shumë zyrtarë kanë sugjeruar që rritjet duhet të zgjasin deri në vjeshtë, të tjerë shqetësohen për dëmtimin e zgjerimit ekonomik pasi zona e euros ra në një recesion gjatë dimrit.

“Ekziston rreziku për të bërë shumë dhe mendoj se duhet të jemi të kujdesshëm për këtë”, tha Visco. “Ekziston gjithashtu rreziku që ne mund të bëjmë shumë pak, kështu që duhet të jemi të ekuilibruar dhe duhet të vendosim në bazë të informacionit që vjen.”

Presidenti i Bundesbank Joachim Nagel i tha Bloomberg të hënën se pret një rritje tjetër këtë muaj dhe se çdo lëvizje në shtator do të varet nga të dhënat.

Politikëbërësit janë veçanërisht të shqetësuar për inflacionin bazë,. Ai u rrit në 5.4% muajin e kaluar, megjithëse BQE parashikoi se do të ngadalësohet në 2.2% në tremujorin e katërt të 2025.

Visco, i cili do të dalë në pension më vonë këtë vit, tha se ka besim se BQE mund të arrijë detyrën e saj pa shkaktuar një rënie ekonomike.

Burimi: Bloomberg/Përshtati Gazeta Si

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.