Një 39-vjeçar është vënë në pranga, pasi ishte kthyer në makthin e qytetarëve në Elbasan, duke u vjedhur atyre portofola, çanta apo celularët.
Gjatë operacionit të koduar “Përsëritësi” u arrestua F. Z., 39 vjeç, banues në Elbasan, i cili akuzohet për të paktën 4 vjedhje të zbardhura nga policia.
Sipas policisë, arrestimi i tij u bë në flagrancë në lagjen “5 Maji” në Elbasan, ku 39-vjeçari i ka vjedhur portofolin shtetases A. D.
“Nga veprimet hetimore të kryera dyshohet se ky shtetas është autor dhe i 4 vjedhjeve të tjera të ndodhura në qytetin e Elbasanit, konkretisht: Më datë 01.02.2021 dyshohet se i ka vjedhur një aparatin celular shtetases V. B.; Më datë 29.01.2021 dyshohet se i ka vjedhur portofolin shtetases L. D.; Më datë 28.01.2021 dyshohet se i ka vjedhur portofolin shtetases M. T.; Më datë 18.12.2020 dyshohet se i ka vjedhur çantën shtetases B. Ll”, thuhet në njoftimin e policisë.
Policia thotë se vijon puna për zbardhjen dhe dokumentimin e vjedhjeve të tjera që dyshohen se janë kryer ky shtetas.
Materialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
