Banesa e një avokati të njohur është grabitur ditën e sotme në qytetin e Durrësit. Mësohet se hajdutët kanë hyrë në shtëpinë e Edmond Saliut, ndërsa ky i fundit ka deklaruar në polici se i janë vjedhur 350 milionë lekë në total, në valuta të ndryshme.
Avokati ka thënë në polici se i kanë marrë kasafortën që mbahej me çelës. Policia thotë se ngjarja është klasifikuar si vjedhje banese, pasi nuk ka pasur asnjë thyerje të dyerve apo dritareve të saj.
Sipas bluve të Durrësit dyshohet se vjedhja të jetë kryer nga persona të afërm të familjes, ku autorët mund të kenë hyrë me çelës, kanë vjedhur kasafortën dhe më pas janë larguar. Po punohet për zbardhjen e plotë të rrethanave të ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.