Një person i shpallur në kërkim është arrestuar në Kurbin pas ndjekjes me dron nga forcat e policisë. Ervin (Astrit) Kasmi 42 vjeç nga Fushë-Miloti tentoi t’i shmangej policisë duke u larguar me vrap. Por nuk ishte në dijeni që mbi kokën e tij fluturonte droni i policisë, duke gjurmuar çdo lëvizje të tij.
Pas disa minutash ndjekje, ai u arrestua. Së bashku me të u vu në pranga dhe Asim Brahja 41 vjeç, pasi ka penguar policinë në kryerjen e detyrës duke i kundërshtuar ata dhe ka ndihmuar Ervin Kasmin të fshihet në banesën e tij.
42-vjeçari është i dënuar në mungesë nga Gjykata e Kurbinit me 3 vite burg për vjedhje në bashkëpunim. Ai është person me precedent të mëparshëm penal së fushën e vjedhjes së pronës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.