Java e 27-të e Superiores ishte e mbarë për Teutën, që deri sot kryesonte me pikë të barabarta me Vllazninë, por me fitoren në Fier ka nisur shkëputjen dhe është 2 pikë para shkodranëve. Me golat e Lorenco Vilës dhe Bregut, durrsakët kanë marrë një fitore me shumë vlera në fushën e Apolonisë së vendit të fundit.
Trajneri Edi Martini ka komplimentuar skuadrën e tij pas kësaj fitoreje, por ka kërkuar të qëndrojë me këmbë në tokë. Teuta tashmë ka shanse të mëdha për titullin kampion, ndërkohë që në mesjavë luan gjysmëfinalen e parë të Kupës së Shqipërisë me Skënderbeun.
Durrsakët përfituan edhe nga barazimi mes Laçit dhe Vllaznisë. Pavarësisht rasteve për shënim që krijuan, këto dy skuadra nuk mundën ta gjenin rrugën e rrjetës. Për Laçin ishte ndeshja e tretë pa fitore dhe tashmë rrezikon të kalohet nga Partizani në renditje.
Shkodranët nuk kanë më atë shkëlqimin e pjesës së parë të kampionatit, por sot mund të festojnë përgjysmë, sepse kanë arritur t’i marrin pikën e parë Laçit këtë sezon.
Java e 27-të
Sot
Kastrioti-Kukësi 0-3
Skënderbeu-Tirana 0-0
Laçi-Vllaznia 0-0
Apolonia-Teuta 0-2
Të dielën
Partizani-Bylis
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.