Përmes një videoje në rrjetet sociale, kryeministri Edi Rama, ka ndarë një moment nga ngjitja drejt Thethit, i shoqëruar nga ministrja e Shtetit për Marrëdhëniet me Parlamentin, Elisa Spiropal dhe kryebashkiaku i Shkodrës Benet Beci.
Në postimin e shpërndarë, kryeministri Rama etiketohet me emrin Skënderbeu, ndërkohë ministrja Spiropali merr emrin e Mamicës dhe Beci, si shoqërues i tyre, Vrana Konti.
Në video, “Skënderbeu” shfaqet në Bogë, rrugës për në fshatin turistik të Thethit nga ku u bën thirrje shqiptarëve që janë jashtë, të kthehen në atdhe.
I shoqëruar edhe nga Spiropali dhe Beci, kryeministri bëri me dije se po vijon puna për investimet e reja në male, ku fokusi është tek agro-turizmi.
“Me një mbështetje të fuqishme qoftë në aspektin e dhënies së lejeve për të rihapur shtëpitë e të parëve, për të ndërtuar agro-turizmet, për të fituar shumë më tepër se ç’fitojnë nga puna e lodhshme në shërbim të të tjerëve atje ku janë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.