Shqipëria e “vogël” funksionon më mirë në transfertë sesa në fushën e vet. Fakt që djemtë e Alban Bushit, pas fitores me Kosovën vitin e shkuar, e kanë vërtetuar sot në Ried ndaj Austrisë. Edhe pse përballë kanë pasur një skuadër, e cila renditet e dyta në grup dhe është favorite për t’u kualifikuar më tej së bashku me Anglinë, kjo nuk i ndali kuqezinjtë që jo vetëm të fitonin me rezultat të thellë 1-5, por edhe të dominonin thuajse gjatë gjithë takimit, duke thyer kështu çdo parashikim të mundshëm të bërë mbi këtë përballje. Kallaku, Tuci, Selmani dhe Muci me dopietë ishin autorët e golave të Shqipërisë.
Sakaq, vlen të theksohet se kjo ishte e vetmja fitore e kuqezinjve me një rezultat të tillë dominues, që kur mundnim 5-0 në transfertë modestët nga Ishujt Faroe. Kjo fitore e ka ngjitur Shqipërinë U21 në vendin e tretë të renditjes së Grupit 3. Kuqezinjtë kanë shkuar në kuotën e 8 pikëve, katër larg Austrisë së vendit të dytë, por këta të fundit kanë një ndeshje më pak.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.