.png)
Vllaznia komplikon së tepërmi pozitat në kampionat. Skuadra shkodrane është mundur 3-1 sot në “Elbasan Arena” nga Kukësi, që vinte pas tri humbjeve radhazi. Skuadra e Mirel Josës nuk ka lëshuar aspak në këtë ndeshje, duke shënuar 3 gola për të marrë 3 pikët që e ngjitin në kuotën e 39 pikëve, por që e lënë sërish larg vendeve të kreut.
Patrik Eze realizoi shumë shpejt për Kukësin, ndërsa Gjelbrim Taipi dyfishoi me penallti brenda pjesës së parë. Ardit Hoxhaj rihapi ndeshjen për Vllazninë po me penallti në fillim të pjesës së dytë, por Zenel Gavazaj “vulosi” rezultatin në 3-1 në kohën shtesë.
Një humbje që djeg shumë për Vllazninë dhe që rrezikon ta nxjerrë atë jashtë 4-shes së parë të Superiores, që shkon në kupat e Europës. Shkodranët kanë edhe “kartën” e Kupës së Shqipërisë për të shkuar në Europë, por duhet të fitojnë patjetër finalen me Skënderbeun.
Nëse Laçi dhe Tirana fitojnë në ndeshjet e tyre të javës së 32-të, Vllaznia, që mban vendin e tretë, mund të humbë terren në renditje. Tashmë shpresat e titullit kampion janë pakësuar ndjeshëm në kampin shkodran.
Superiore, java e 32-të
Sot
Kukësi-Vllaznia 3-1
Të shtunën
Tirana-Kastrioti
Skënderbeu-Partizani
Apolonia-Laçi
Teuta-Bylis
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
