Gazeta Si - Dy trena u përplasën përgjatë linjës hekurudhore Bolonja-Rimini, në zonën e Faenza (Ravena), midis Castel Bolognese dhe Forlìt, mbrëmjen e së dielës, 10 dhjetor. Sipas autoriteteve, bilanci i aksidentit është 17 persona të lënduar, asnjë në gjendje të rëndë.
Pasojat në trafikun hekurudhor janë të rënda me bllokime për pjesën më të madhe të natës dhe udhëtime të riplanifikuara, ku ka ndryshuar qarkullimi për shkak të trenave të anuluar dhe vonesave.
Trafiku në linjën e shpejtësisë së lartë është rikthyer në normalitet, ndonëse me vonesa, në mëngjesin e të hënës së 11 dhjetorit.
Megjithatë, trafiku midis Forlì dhe Faenza mbetet i pezulluar: trenat rajonalë mund të jenë subjekt i anulimeve dhe kufizimeve të rrugës, paralajmëruan autoritetet lokale.
❌ Urto Frecciarossa e treno regionale sulla linea Bologna-Rimini: concluse le operazioni di soccorso, prosegue il lavoro dei #vigilidelfuoco con la messa in sicurezza dell’area insieme al personale ferroviario [#10dicembre 21:30] pic.twitter.com/kWVHov2RWN
— Vigili del Fuoco (@vigilidelfuoco) December 10, 2023
Pas aksidentit, zjarrfikësit ndërhynë përgjatë shinave, me ekipe nga Ravenna dhe Forlì dhe policia hekurudhore: "Shkaktarët e aksidentit po hetohen", shpjegoi “Trenitalia”.
Pasagjerët – thuhet në të njëjtë komunikatë - "janë nën kujdesin e duhur dhe po punohet për asistencën e tyre".
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.